غاب الأبونا والشبيّه بجيبتو
تذكرت لمّا كان بعز الشباب
وكل الثقة بتفرض علينا هيبتو
ولما العمر قوطب وقالوا النسر شاب
كانت كأنا تلج ابيض شيبتو
بكرا منعرف شو بيضني هالغياب
وبغيبتو بيتسكروا كل البواب
وما في حدا يملي الفراغ بغيبتو
بمدرسة كوسبا على نقولا اهتديت
استاذ متحضر وطله مؤنسه
وكانت جناحي عاريه منو اكتسيت
صاحب رساله خالده ومقدسه
ولم صرت غني كل ما غنيت بيت
حس روحو صوب شعري محمسه
وجينا ع سيدني وكل ما فيه التقيت
تردني ع ربوع كوسبا الذكريات
واشعر كاني بعدني بالمدرسه
يا ابونا العمر قيمه ما الو
من دون ما تقرا المتيله واسمعك
ماضي العمر يا ريت فيي لأولو
معلم ع مدرسة القديمه رجعك
اليوم الدفاتر من دموعي تبللو
لم جيت اكتب شعر حتى ودعك
والضحكة الكانت على تمك ملو
واخلاقك الحلوه وطيبة معشرك
ما رحت وحدك كلهن راحوا معك
0 comentلrios:
إرسال تعليق